過去一年香港迎來，自由行普遍集中于旺角朗豪坊附近消費，東面的洗衣街一帶仍相對淡靜，雖然已減少吉鋪情況，但較高峰仍相差一段距離，不過該區將迎來轉機，新地去年3月以47.29億奪標的旺角洗衣街“巨無霸”商業地，已向城規會申建1幢53層高商廈，項目將打造成旺角“Green Heart”，成為一個綠化及可持續發展的大型綜合新商業地標，料于2030年落成。盛匯商鋪基金創辦人李根興表示，項目將為旺角東帶來極大影響，料租金將爆升80%至100%。

項目潛力無限

旺角上一個大型項目已是2004年落成的朗豪坊，李根興認為項目發展潛力無限，“香港發展到靚商場得三個發展商做到，新地、太古同九龍倉，尤其新地商場通常系最靚、人流最多、宣傳最好！好在呢塊地皮落喺新地手上，一定會搞靚個商場。所以當時新地一投標，無論價錢幾多都好，佢搞得旺角商場，周邊地方都會帶旺，恭喜曬附近嘅業主！仲要系區內最大型項目，喺呢個最核心地方興建，當然睇好呢度要重本揼落去！”

料租值爆升一倍

李根興指出，參考各區過往大型商場落成后均帶動周邊街鋪租金，“朗豪坊落成后，旁邊上海街、砵蘭街；時代廣場落成之后，旁邊波斯富街、羅素街租金都系癲咗，當時未落成時代廣場之前都冇人識羅素街！而呢個大型項目落成后，一定會將整個人流由西洋菜南街一帶東移過來旺角東呢邊，大家入商場購物之馀經過外面條街，小食店或零售店都必須要有，有部份店鋪入唔到商場，就會選擇街鋪經營，廣告效應都會較大，所以預計租值一定爆升上八成至一倍?！?/p>

各核心區租值已逐步向上，尖沙咀海防道現時呎租約500至600元，廣東道市旺時呎租達1,000元，羅素街更加高達3,000元。而現時洗衣街租值仍偏低，李根興位于洗衣街商鋪正在放租，“面積約880方呎，如果日后已八萬元租出，呎租大約100元，因為而宜對面系地盤，但隨著項目落成我相信呎租上到200元至300元一啲都唔難。 ”

形容附近業主：一系死心，一系貪心！

現時洗衣街附近仍有不少吉鋪，李根興指出主要是業主兩個原因，“一系就死心，一系就貪心。早前疫情系死心，咪將鋪位好平租出去，但而家所有核心商鋪租金由低位上升幾成，甚至系兩三倍，不過較高位仍然相差六至七成，好多時變咗業主貪心，反正都等咗三年，唔爭在等多幾個月，等自由行越來越多，免稅額亦有望提升，可以叫高價錢，包括我自己都系呢個心態，所以核心區叫租都相對硬凈，貪心就系因為嚟緊睇好呢區市場，所以就可以解釋到點解咁多吉鋪?！?/p>

他續指，早前中環皇后大道中最后一間吉鋪都已租出，所以吉鋪將會一直慢慢消化，租金之后就會隨之回上。李根興透露于洗衣街一帶持有5間鋪，他表示隨著項目帶旺該區吉鋪將會消化，如果價錢合適的話會再增持，今年計劃買8億至10億元商鋪，約40至50間，六成位于核心區，四成會在民生區。

新地工程管理部策劃總監麥啟華指，項目地盤面積約12.4萬方呎，最新設有1幢樓高53層、另連6層地庫及3層平臺的商廈，樓高320米，是該公司繼ICC后全九龍第二高商廈，將提供約120萬方呎寫字樓樓面，以及20萬方呎商場樓面。

以上內容歸星島新聞集團所有，未經許可不得擅自轉載引用。